O responsable de calidade e director TI de Bonaval Multimedia, certificouse na prestixiosa Biblioteca de Infraestrutura de Tecnoloxías de Información, ITIL (Information Technology Infrastructure Library) adquirindo os coñecementos necesarios para desenvolver a súa xestión de servizos de tecnoloxías da información a través dos conceptos e boas prácticas marcados en ITIL. A Xestión de Servizo ITIL está actualmente integrado no estándar ISO 20.000, norma que Bonaval Multimedia obtivo o pasado ano 2010.

En Bonaval cremos que os nosos clientes de aplicacións e servizos beneficiaranse da calidade e eficiencia nos procedementos empregados, desenvolvidos e mellorados para xestionar e manter a infraestrutura, os desenvolvementos e as operacións TI.

A certificación foi obtida a través de EXIN, un dos dous Institutos Examinadores existentes, con sede nos Países Baixos. Os estándares de cualificación ITIL son xestionados pola ITIL Certification Management Board (ICMB) que agrupa á OGC (Office of Government Commerce, `Oficina de comercio gobernamental´, división do Ministerio de Facenda do Reino Unido.) a itSMF International e aos dous Institutos Examinadores EXIN e ISEB.

O nivel de certificación obtido foi o de “Foundation Certificate”, baixo a versión 3 aparecida en 2007, baseada no ciclo de vida do servizo:

1. Estratexia do Servizo
2. Deseño do Servizo
3. Transición do Servizo
4. Operación do Servizo e
5. Mellora Continua do Servizo

Felicitámonos por este logro.