Cando algo medra, un sente orgullo se forma parte dese crecemento.

Alá polo pasado milenio, hai 25 anos, nacía unha empresa que imaxinaba un futuro cambiante e quería formar parte dese cambio. Establecida como unha das primeiras empresas tecnolóxicas gallegas, adoptou novos formatos dixitais, editando e creando os primeiros DVD comerciais, e novos medios, creando as primeiras aplicacións web e transferindo contidos televisivos a internet. Lembramos con agarimo aqueles primeiros días nos que puidemos expandir o programa de RTVE "De Galicia para o Mundo" para chegar realmente a todo o mundo grazas á nova rede.

Como calquera criatura, foi crecendo, gañando experiencia e coñecemento, e mergullándose nese complexo mundo de servidores, redes e creación de aplicacións e contidos en liña, un mundo no que agora nos sentimos tan cómodos e disfrutamos contribuíndo á web cada día.

Queremos aproveitar esta oportunidade nas nosas vodas de prata para agradecer a todos os que formaron parte deste crecemento: clientes, provedores, colaboradores, socios, amigos e familiares que compartiron a nosa viaxe, tanto os altos como os baixos. Agardamos que continúe por moitos anos máis e que poidades presencialo.

Persoalmente, gustaríame facer un recoñecemento especial a aqueles que xa non están con nós, despois de percorrer novos camiños. As súas contribucións foron fundamentais para levar a Bonaval ata onde está hoxe. Tamén quero recoñecer aos que están a liderar o esforzo, dándoo todo de si, e dar unha calorosa benvida aos que se unirán a nós no futuro.

Por outro cuarto de século! ;)

Asinado, M.V.G.